باين من عنوانه

موروثات شعبية… للاستشارية النفسية سمر درويش

كتبت – سمر درويش
عندنا موروثات خاطئة بشكل غريب..
– إكسر للبنت ضلع يطلع لها 44 تقريبًا
هو ده الحل يعني!
لا البنت لما بتكسر لها ضلع بتهرب منكم ومش بعيد تمشي وتسيبكم أو تجري على أول حد ينادي عليها لأنها مش لاقية منكم احتواء ولا حنية وفي الآخر بتجيبوا اللوم عليها مش على اللي كسر..

– جوزك يحبك عافية
إزاي ده في ناس محترمة وبتتقي ربنا وعارفة أن الإنسان طاقة وعارفة يعني إيه شرع ومن الشرع يتوفر إيه للزوجة وبتقرأ في السيرة وعارفة قدوتها كان إزاي مع زوجاته رغم أنه أكتر واحد كان باله وذهنه مشغول بالدعوة.. احنا بس اللي بنربي رجالة على تخاريف لغاية ما يفتكر إن ده حق مكتسب.

– أهلك يحبوكي غنية
والله في ناس اختلفوا واللي قالك عشان متطلبش منهم وحزب تاني قالك عشان يبقوا مطمنين إن مش ناقص بنتهم حاجة..
ليه الأهل في الحالتين يحبوها غنية ولو مش غنية هيتكدروا في إيه.. على فكرة ناس يإما بتعزز بنتهم حتى وهىيفي بيت زوجها من أكل وشرب وفلوس أحيانًا ولو هو موفر لها أهو يبقى معها بعيد عن مسؤولية بيتها ومش شرط يكونوا أصحاب عماير وعقارات عشان يبسطوها هما بس ناس بيعاملوا ربنا.

– جارك يحبك سخية
كل جار أو صديق أو حتى قريب بيحب الكلمة الطيبة وأي حاجة تانية ولا تسوى.
مأخدناش من موروثتنا إلا إننا ورثنا جيل من الحمقى الأنانيين.. اللي لا فاهمين ولا واعين كفانا ترديد كالبغبغاء.

شاركنا الرأي

لن يتم نشر عنوان بريدك الإلكتروني.